काठमाडौं, असार १५
नेपाली मौलिकता र ग्रामीण जीवनशैलीलाई उजागर गर्ने लोकदोहोरी गीत ‘गुडगुडे बजाउँदै’ सार्वजनिक भएको छ।
टिका बराइली र रचना रिमलको सुमधुर स्वरले सजिएको यस गीतले नेपाली सांगीतिक क्षेत्रमा नयाँ तर स्वदेशी स्वादको प्रस्तुति दिएको छ।
गीत ‘टिका बराइली’ युट्युब च्यानल मार्फत सार्वजनिक गरिएको हो।
गीतको शब्द र लय स्वयं टिका बराइली कै सिर्जना हो, जसले गीतलाई मौलिकता र सादगीको गहिरो स्पर्श दिएको छ।
भिडियोमा सुरेश कोहिल, जुना विश्वकर्मा, अविनाश खाती र सन्ध्या सानु को अभिनय रहेको छ। उनीहरूको स्वाभाविक अभिनयले गीतलाई अझ जीवन्त बनाएको छ।
गीतको दृश्यहरूमा नेपाली गाउँले परिवेश, रहनसहन र सामाजिक सम्बन्धको सजीव चित्रण गरिएको छ।
‘गुडगुडे बजाउँदै’ गीतमा नेपाली मौलिक शब्दहरूको सशक्त प्रयोग गरिएको छ, जसले नेपाली समाजको वास्तविकता र सांस्कृतिक पहिचानलाई उजागर गर्छ।
गीतमा गुडगुडे बाजा र लोकदोहोरीको सहज मिठासले श्रोता र दर्शकलाई रमाइलो महसुस गराउनेछ।
गीतले नेपाली लोक संस्कृतिमा आधारित सरल जीवनशैली र मनोरञ्जनात्मक लोकशैलीलाई आधुनिक ढंगले प्रस्तुत गर्न खोजेको देखिन्छ।
