काठमाडौँ
सुनचाँदीको मूल्य आज उल्लेख्य रूपमा बढेको छ। नेपाल सुनचाँदी व्यवसायी महासङ्घका अनुसार आज सुनको भाउ एकैदिन तोलामा २ हजार ८ सय रुपैयाँले वृद्धि भई तोलाको २ लाख ७० हजार ६ सय रुपैयाँ पुगेको छ।
यसअघि पनि गएको पुस १३ गते सुनको मूल्य तोलाको २ लाख ७० हजार ६ सय रुपैयाँ पुगेको थियो, जुन हालसम्मकै उच्च स्तर हो। अस्ति शुक्रबार सुनको भाउ तोलाको २ लाख ६७ हजार ८ सय रुपैयाँ रहेको थियो।
त्यसैगरी, आज चाँदीको मूल्यले पनि नयाँ कीर्तिमान कायम गरेको छ। चाँदी तोलामा ५५ रुपैयाँले बढेर तोलाको ४ हजार ९ सय ९० रुपैयाँ पुगेको महासङ्घले जनाएको छ। यसअघि चाँदीको भाउ तोलाको ४ हजार ९ सय ३५ रुपैयाँ रहेको थियो।
