काठमाडौँ: स्थानीय बजारमा आज सुनको मूल्य पुनः घटेको छ। सुन प्रतितोला रु १,६०० ले घटेको हो भने चाँदीको मूल्य भने प्रतितोला रु ८० ले वृद्धि भएको छ।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला रु २ लाख ७३ हजार ९०० कायम भएको छ। त्यस्तै, चाँदीको मूल्य प्रतितोला रु ४,५०५ पुगेको छ।
यसअघि सोमबार सुन प्रतितोला रु २ लाख ७५ हजार ५०० र चाँदी रु ४,४२५ मा कारोबार भएको थियो भने आइतबार सुन रु २ लाख ८२ हजार र चाँदी रु ४,५४० कायम भएको थियो।
अन्तर्राष्ट्रिय बजारतर्फ हेर्दा आज सुन प्रतिऔँस ४,३३५ अमेरिकी डलर र चाँदी ६७ अमेरिकी डलरमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन्।
