काठमाडौं । बलेफी हाइड्रोपावर कम्पनी लिमिटेडको सर्वसाधारणका लागि निष्कासन गरेको साधारण सेयर (आईपीओ) को प्रि-अलटमेन्ट सम्पन्न भएको छ । चैत्र १६ गते, बुधबारबाट, चैत्र २१ गते, सोमबारसम्म निष्कासन भएको आईपीओको प्रि-अलटमेन्ट शुक्रबार बिक्रि प्रबन्धक ग्लोबल आईएमई क्यापिटलको कार्यलयमा सम्पन्न भएको हो ।
बिक्रि प्रबन्धकका अनुसार प्रि-अलटमेन्टको जानकारी धितोपत्र बोर्डलाई गराइ सकिएको छ । यदि आइतबार सार्वजनिक विदा नपरेको भए संभवत आजै (सोमबार) बाँडफाँड हुने थियो सार्वजनिक विदाका कारण सकेसम्म आज नभए भोलि मंगलबार बाँडफाँड हुने छ ।
हाल प्रि अलटमेन्ट सम्पन्नको जानकारी नेपाल धितोपत्र बोर्डलाई दिइन्छ र बोर्डको अनुमति पछी आईपीओको बाँडफाँड गरिने प्रावधान छ ।
कम्पनीले प्रतिकित्ता १०० रुपैयाँ अंकित दरका १८ करोड २७ लाख ९७ हजार रुपैयाँ बराबरको १८ लाख २७ हजार ९ सय ७० कित्ता आईपीओ निष्कासन गरेको हो । जसमध्ये जारी पूँजीको ४ प्रतिशत अर्थात ७३ हजार १ सय १९ कित्ता सेयर कर्मचारीहरुका लागि, ५ प्रतिशत अर्थात ९१ हजार ३ सय ९८ कित्ता सेयर सामूहिक लगानी कोषका लागि र १६ लाख ६३ हजार ४५३ कित्ता साधारण सेयर सर्वसाधारणका लागि छुट्याइएको थियो ।
अन्तिम दिनसम्ममा २२ लाख ६९ हजार ४ सय १६ जनाले २ अर्ब ६२ करोड २२ लाख ९७ हजार रूपैयाँ बराबरको २ करोड ६२ लाख २२ हजार ९ सय ७० कित्ताका लागि आवेदन दिएका छन् । यो सर्वसाधारणका लागि माग गरिएको भन्दा १५।७६ गुणा बढी आवेदन हो ।
माागभन्दा धेरै आवेदन परेको हुनाले कम्पनीको आईपीओ गेलाप्रथाबाट बाँडफाँड गरिनेछ । गोलाप्रथाबाट बाँडफाँड गर्दा भाग्यमानी एक लाख ६६ हजार ३ सय ४५ जनाले मात्रै सेयर हात पार्नेछन् । बाँकी २१ लाख ३ हजार ६८ जनाको भने हात खाली हुनेछ ।
