काठमाडौं । घरायसी विवादमा कैलालीमा महिलाले श्रीमानको हत्या गरेकी छन् । मोहन्याल गाउँपालिका–१ की ३२ वर्षीया फूमा थापा मगरले ४३ वर्षीय श्रीमान नारायण थापामगरको हँसियले हानेर हत्या गरेकि हुन् ।
जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) वेदप्रकाश जोशीका अनुसार सोमबार बिहान इलाका प्रहरी कार्यालय पण्डौनमा मैले श्रीमानको हत्या गरे भन्दै फूमा स्वयंम् उपस्थित भएपछि घटनाबारे थाहा भएको हो । हाल घटनाको अनुसन्धानका लागि इलाका प्रहरी कार्यालय लम्कीबाट प्रहरी निरीक्षक लोकेन्द्र गुरुको नेतृत्वमा टोली घटनास्थल पठाइएको छ ।
फूमाले प्रहरीलाई विगतदेखि नै उनीहरुबीच विवाद हुने गरेको बताएकि छिन् । घटनाको थप विवरण भने अनुसन्धान पछि मात्र खुल्ने प्रहरी नायब उपरीक्षक जोशीले बताएका छन् ।
