काठमाडौं: मंगलबार नेपाली बजारमा सुनको मूल्य घटेको छ। नेपाल सुनचाँदी व्यवसायी महासंघका अनुसार आज छापावाला सुन तोलाको मूल्य २ हजार ९ सय रुपैयाँले घटेर २ लाख ३७ हजार रुपैयाँमा पुगेको छ। सोमबार यसअघि सुन तोलाको २ लाख ३९ हजार ९ सय रुपैयाँमा कारोबार भएको थियो।
सुनसँगै चाँदीको मूल्य पनि घटेको महासंघले जनाएको छ। अघिल्लो दिन सोमबार तोलाको २ हजार ९८० रुपैयाँमा कारोबार भएको चाँदी मंगलबार ६० रुपैयाँले घटेर २ हजार ९२० रुपैयाँमा झरेको हो।
महासंघका अनुसार मंगलबार प्रति १० ग्राम सुनको मूल्य २ लाख ३ हजार १९० रुपैयाँ र प्रति १० ग्राम चाँदीको मूल्य २ हजार ५०३ रुपैयाँ ५० पैसा कायम गरिएको छ।
