रामेछाप। रामेछापको सुनापाती गाउँपालिका–५, रुपाकोटस्थित कृष्णपुरी माध्यमिक विद्यालयका राहत शिक्षक नवीन भण्डारी विद्यार्थीलाई अनैतिक म्यासेज पठाएको तथा दुव्र्यवहार गरेको आरोपमा पक्राउ परेका छन्।
शिक्षक भण्डारीले विद्यार्थीलाई अनैतिक म्यासेज पठाएको, बाटोमा हिँड्दा कोठामा बोलाउनेलगायतका गतिविधि गरेको आरोप लागेको छ। विद्यार्थीले घरमा जानकारी गराएपछि अभिभावकले प्रहरीलाई खबर गरेका थिए। सोही सूचनाका आधारमा प्रहरीले शिक्षकलाई पक्राउ गरेको हो।
जिल्ला प्रहरी कार्यालय रामेछापका सूचना अधिकारी प्रहरी निरीक्षक कमल राउतले शिक्षकलाई पक्राउ गरिएको पुष्टि गरेका छन्।
प्रहरी निरीक्षक राउतका अनुसार घटनाबारे अनुसन्धान भइरहेको छ। अनुसन्धानपछि मात्रै घटनाको विस्तृत विवरण सार्वजनिक गरिने उनले बताए।
घटनापछि स्थानीय समुदायका नागरिकले विद्यार्थीमाथि हुने यस्ता गतिविधिमा निष्पक्ष अनुसन्धान गरी दोषी ठहरिने व्यक्तिलाई कानुनबमोजिम कारबाही गर्नुपर्ने माग गरेका छन्।
फोटो स्रोत : एआई
