बलिउड अभिनेता सलमान खानलाई शनिबार सर्पले टोकेको छ । सर्पको टोकाई पछि उनलाई मुम्बईको कमोठे इलाकास्थित एक अस्पतालमा बिहानै ३ बजे भर्ना गरिएको हो । उपचारपछि उनलाई डिस्चार्ज गरिएको छ । सलमान आफ्नो परिवारसँग शुक्रबार राती पनवेल स्थित आफ्नो फार्म हाउसमा क्रिसमस मनाउन गएका थिए ।
उपचारपछि अभिनेता पुनः आइतबार बिहान ९ बजे आफ्नो फार्म हाउस फर्किए । हाल उनको स्वास्थ्य स्थिति ठिक भएको बताइएको छ ।
सलमानको पनवेलको जुन इलाकामा फार्म हाउस छ, त्यो पहाडी र वन क्षेत्रले घेरिएको छ । यो इलाकामा धेरैजसो सर्प र अजिंगर निस्किन्छन् ।
