काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्डलाई कोरोना संक्रमण भएको छ । शुक्रबार साँझ पीसीआर परीक्षण गर्दा कोरोना संक्रमण पुष्टि भएको प्रचण्डको निजी सचिवालयले जानकारी दिएको हो ।
सचिवालयका अनुसार उनको अवस्था सामान्य रहेको छ र हाल उनी निजी निवासमै आराम गरिरहेका छन् ।
हाल प्रचण्ड डाक्टरको सल्लाह अनुसार पूर्वनिर्धारित सम्पूर्ण कार्यक्रमहरू स्थगित गरि आईसोलेसनमा बसेको जनाईएको छ ।
यो बीचमा प्रचण्डको सम्पर्कमा आउनु भएका सम्पुर्ण व्यक्तिहरूलाई सतर्कता अपनाउन सचिवालयले अनुरोध गरेको छ ।
यसै गरी माओवादीका अर्का नेता नारायणकाजी श्रेष्ठलाई पनि कोरोना संक्रमण पुष्टि भएको छ । आफूलाई पनि कोरोना संक्रमण भएकोले हाल आइसोलेसनमा बसेको नेता श्रेष्ठले बताएका छन् ।
