गजल

लाग्छ अचेल तिमी ‘म’जस्तो म ‘तिमी’ जस्तो
बनिदियौ मेरै मुटु जस्तो, मेरै ढुकढुकि जस्तो

ख्याल गरेर चलाउनुहोस् मुटु रेटिन सक्छ,
अरु कुनै औजार हुदैन धारिलो पिरती जस्तो

बरु सजिलो भयो पत्थरलाई भगवान बनाउन
जिन्दगी लाई बनाउन सकिएन जिन्दगी जस्तो

म मजबुत बगर भएर तिमीलाई सुरक्षा दिनेछु,
तिमी प्रवाहित भएर बगिरहनु सधैं नदि जस्तो!

यति सम्म गरियो बुझ्नुहोस् प्रेमकै लागि अझै
जिन्दगी समर्पित गर्न सक्दिनँ पुतली जस्तो!