लागूऔषध कारोबार तथा सेवन गरिरहेको आरोपमा पक्राउ परेका छोरा आर्यनलाई भेट्न बलिउड अभिनेता साहरुख खान आर्थर रोड जेल पुगेका छन् । आर्यनको गिरफ्तारीपछि साहरुख र उनको यो पहिलो भेट हो ।
क्रुज ड्रग्स पार्टी गरिरहेको आरोपमा पक्राउ परेका आर्यन खानले जमानतमा छुट्न पाउनु पर्ने गरि दिएको याचिका अदालतले बुधबार पनि खारेज गरिदिएको थियो । अब आर्यनका वकिल उनलाई जमानतमा छुटाउन उच्च अदालतमा पुगेका छन् ।
तर, बम्बई उच्च अदालतबाट पनि आर्यनले जमानत पाउन सहज हुने छैन । किनकि अदालतमा १ नोभेम्बरदेखि तिहारको छुट्टी हुने भएकाले अब सात दिन मात्र बाँकी हुने छ । त्यसैले आर्यनलाई अब पनि जमानत पाउन मुश्किल हुने अनुमान गरिएको छ ।
