२०४६ जेठ ,३ गते घोराहीउपमहानगरपालिका ८(दुन्द्रा ,दाङमा जन्मिएका वसन्त ओलि वसन्ती युवा पुस्ताका चर्चित गजलकार हुन । उनको बोई नामक गजल संग्रह प्रकाशनको तयारीमा रहेको छ । २०६९ सालमा उपन्यास (तिर्सना) बजारमा ल्याएर औपचारिक साहित्यमा पाइला टेकेका उनको बोई गजल संग्रह दोस्रो कृति हो ।
यो सङ्ग्रह उहाँले आफ्नी स्वर्गीय हजुरआमा अम्बी ओली प्रति समर्पित गर्नुभएको छ । यस संग्रहमा विभिन्न लयमा लेखिएका १०१ गजलहरू हुनेछन् भने बोईको सत्य कथामा आधारित कथा समेटिएको केही पृष्ठहरू हुनेछ । जुन कथाले धेरैको मन जित्नेछ लाग्छ ।
गजलका चलन चल्तीमा रहेका लयहरू भन्दा अरू फरक लयमा लेखिएका गजल यस संग्रहमा हुनेछन् । यहि नयाँ वर्षसम्म बजारमा ल्याउने तयारीमा रहेको यस संग्रहमा नयाँ भाव र बिम्बहरू राख्न प्रयास गरिएका गजलहरु राखिएको छ । संग्रहलाई बुलबुल पब्लिकेसनले प्रकाशन गर्नेछ भने सफल बुक्स पब्लिकेसनले वितरकको जिम्मेवारी लिएको छ ।
नेपालमा कतिपय कृति प्रकाशन नगरेर स्टेज तताउनेहरु पनि छन, कतिपय थुप्रै किताब निकालेर पनि चुपचाप छन, के फरक छ भन्ने हाम्रो प्रश्नको जवाफ दिदै साहित्यकार वसन्त भन्छन्, त्यो गजलकारमा फरक पर्छ । उसको लेखन क्षमता र वाचन शक्तिले फरक पार्छ । कतिपय राम्रो लेख्ने वाचन नभएर अघि आउन सक्नु भएको छैन । कतिपय त अवसरको कारण पनि ।
नेपालमा किताब ननिकालेर स्टेज तताउने हुनुहुन्छ , स्टेजमा वाचन गर्नु र किताबमा भएका गजलमा केही फरक हुन्छ । अलि गहिरिएर सोच्नुपर्ने ,बुझ्न पढ्नै पर्ने पनि हुन्छ । तर स्टेजमा तत्काल दर्शक श्रोताले बुझ्ने गरी प्रतिक्रिया दिनु पर्ने भएकाले त्यस्तै खाले सेरहरू वाचन गर्नुपर्ने हुन्छ । हामीले किताब निकाल्दा पढेर मजा आउने र जसले लामो समयसम्म दिल दिमागबाट हट्न नमान्ने सेर लेख्नुपर्छ । त्यस्तो लेखकमात्रै स्टेज र पुस्तक दुवैमा उत्तिकै हावी हुन्छन् । अहिले केही देखिन थालेको छ त्यस्को असर ।
उनी युवा पुस्ताका गजलकार भएर पनि सबै खाले पाठक स्रोता बटुल्न सफल गजलकार हुन् । त्यस्तै पछिल्लो समय देशका विभिन्न ठाउँमा थुप्रै कार्यक्रमहरुमा उनले सहभागी भएर आफ्ना गजलहरु सुनाईसकेका छन् । पछिल्लो समय बोईको भुमिकामा लेखिएका केही कथाहरु अहिले सामाजिक संजालमा चर्चामा रहेका छन । यहाको समग्र साहित्यिक यात्रा र बोई गजल संग्रहको सफलताको कामना सहित दोभानचौर खबर परिवार शुभकामना व्यक्त गर्दछौ ।
दोभानचौर खबरकर्मी एबम साहित्यकार हिमाल सरोवरद्वारा तयार पारिएको सामग्री
