गजल –म आफ्नै मृत्युको खबर सुन्दैछु

चड्छ एक अनौठो नसा मलाई ।
तिमीले नलगाऊ आँखा मलाई ।।

मैले पनि यहाँ म खोजिरहेंछु ।
दुनियाँले खोज्छ दुनियाँमा मलाई ।।

म आफ्नै मृत्युको खबर सुन्दैछु ।
दिदै छु म शुभकामना मलाई ।।

लिलामीमा ईमान राख्नु छ पर्ने ।
गर्न जरुरी छ यो सौदा मलाई ।।

म कोही कसैको बिश्वास गर्दिनँ ।
अब कसले दिन्छ धोका मलाई ।।

यतिसम्म हलुँगो भएँछु कि म ।
उडाउँछ हावाको झोका मलाई ।।

मेरो बाटो मेरै अहमले छेक्यो ।
तिमिले पनि भनिनौ आ मलाई ।।

रमझमको मजा तँ ले अन्जान ।
एकान्तले नै दिन्छ मजा मलाई ।।