काठमाडौं । पल शाहलाइ थप १२ दिन हिरासत राखेर अनुसन्धान गर्न अनुमती प्रहरीले पाएकाे छ । बलात्कार मुद्दामा थप अनुसन्धानका लागि जिल्ला प्रहरी कार्यालय तनहुँले उनलाई थप १२ दिन हिरासतमा राखेर अनुसन्धान गर्न जिल्ला अदालत तनहुँबाट अनुमति पाएको हो ।
म्याद थपका लागि प्रहरीले आज (आइतबार) उनलाई जिल्ला अदालतमा उपस्थित गराएको थियो । उनलाई अनुसन्धान नसकिएका कारण थप १२ दिन हिरासतमा राख्न अनुमति लिइएको हो ।
११ फागुनमा एक बालिकाले आफूमाथि बलात्कार गरेको भन्दै तनहु प्रहरीमा उनी विरुद्ध उजुरी परेको थियो । प्रहरीले खोजी सुरु गरेको चार दिन पछि १५ फागुनमा उनी आफैं तनहु प्रहरी समक्ष पुगेका थिए ।
अनुसन्धानका लागि पहिले सात दिन थुनामा राख्न अनुमति लिएको प्रहरीले अनुसन्धान नसकिएपछि पुनः १२ दिन म्याद लिएको हो ।
