काठमाडौं : काठमाडौं बचत तथा ऋण सहकारी संघ लि. (कास्कून) को अध्यक्षमा दुई जनाको उम्मेदवारी परेका छ । वर्तमान अध्यक्ष दीपक पनेरु र उपाध्यक्ष नवराज अर्यालको अध्यक्ष पदमा उम्मेदवारी परेको हो । पुष ३० गते हुने संघको निर्वाचन सहितको साधारण सभाको लागि आज मनोनयन दर्ता थियो ।
दिपक पनेरुको दोस्रो कार्यकाल हो। सबै राजनीति दल एक भएर आउँदा पनि एमालेले पदको लोभमा सहमति जुटाउन नसकेको हो। काठमाडौ जिल्ला अन्तर्गत रहेका नेपाली कांग्रेस, माओवादी केन्द्र, राप्रपा र समाजवादी बिचारधारका सहकारी प्रतिनिधि एक हुदा एमाले एक्लै चुनाबी मैदानमा हुमिएको छ। काठमाडौ जिल्लाभर दर्ता भएको ८८० सहकारीले मतदानमा भाग लिन पाउनेछन।
त्यस्तै वरिष्ठ उपाध्यक्षमा निरञ्जन सेढाई र शालिकराम पुडासैनीको उम्मेदवारी परेको छ । महिला उपाध्यक्षमा रीता श्रेष्ठ र विनिता अधिकारी, महासचिवमा चेमाकुमारी पुरी (सीमा) र वीरेन्द्र भण्डारी, सचिवमा पुरुषोत्तम नेपाल र लेमन श्रेष्ठ, कोषाध्यक्षमा सुवास चन्द्र घिमिरे र देवनारायण चौलागाईको उम्मेदवारी गरेको छ ।
त्यस्तै सञ्चालक सदस्यमा मुरारीप्रसाद भण्डारी, राजकुमार खड्का, शिवराम गौतम, बेदुकाजी घिमिरे, लिला राना मगर, रामजीप्रसाद काप्री, सुनिता तिवारी, देवराज न्यौपाने, खेलनाथ सिग्देल, पुस्कर सापकोटा, रोशनबाबु श्रेष्ठ, राजेशकुमार श्रेष्ठ, श्रीराम के.सी., मनबहादुर तामाङ, कृष्णप्रसाद आचार्य, दामोदर लम्साल, अनन्तकुमार के.सी., रामेश्वर श्रेष्ठ, गोर्वधन के.सी. (युनिक), मनोजकुमार घिमिरे, हरिकुमार श्रेष्ठ, श्यामकृष्ण श्रेष्ठ, राजकुमार लामा, मिरा आचार्य, जयराम तिमिल्सिना, रविन्द्र के.सी. र शेखर श्रेष्ठको उम्मेदवारी परेको छ ।
त्यस्तै लेखा सुपरीवेक्षण समिति संयोजकमा अनिता थापा (अधिकारी) र गोमा ढुंगाना सुवेदीको उम्मेदवारी परेको छ भने सदस्यहरुमा तपन पोखरेल, पुण्यप्रसाद सापकोटा र दामोदर पौडेलको उम्मेदवारी परेको छ ।
