सुनिता बि क सिन्धुली ।
सिन्धुलीमा जिल्ला स्तरीय लाेक नृत्य तथा गायन प्रतियाेगिता २०८० सिन्धुलीले लाेक स्टार सिजन १काे अायाेजना गर्ने भएको छ । वरियर डान्स सेन्टरले सिन्धुलीमाढीमा मंगलबार पत्रकार सम्मेलन मार्फत राष्ट्रिय लाेक तथा दाेहाेरी गीत प्रतिष्ठान नेपाल , जिल्ला कार्य समिति सिन्धुलीकाे समन्वयमा जिल्ला स्तरीय लाेक नृत्य तथा गायन प्रतियाेगिता सिजन १ संचालन गर्ने कार्यक्रमका संयाेजक सन्ताेष नेपालीले जानकारी दिनु भएको हाे ।
प्रथम चरणमा सिन्धुलीको ९ वटै पालिकामा नृत्य तथा गायन प्रतियोगिता गरिने छ ।प्रतियोगिता सिन्धुली जिल्ला भित्रका सामुदायिक तथा निजी विद्यालयमा कक्षा १२ सम्म अध्ययनरत विद्यार्थीहरुको लागि विद्यालयले पाठ्यक्रममा समेत समावेश गरिएको लोक नृत्य तथा लोक गायन पाठ्य सामाग्रीलाई प्रयोगात्मक सिक्नको लागि तथा बौद्धिक विकासमा सघाउ पुर्याउने उदेश्यले आयोजना गरिएको उहाँले बताउनु भएको छ ।
पुुस २५ गते घ्याङ्लेख गाउँपालिबाट जिल्लास्तरिय प्रतियोगिताका लागि छनोट सुरु गरिने र जिल्लाका ९ वटै पालिकामा प्रथम चरणको प्रतियोगिताबाट प्रथम, दोस्रो र तेस्रो हुने विद्यालय तथा विद्यार्थीलाई मेडल, ट्रफी र प्रमाणपत्र प्रदान गरिनेछ भने नाच तथा गायनमा उत्कृष्ठ हुने विद्यालय र विद्यार्थीलाई जिल्लामा जिल्ला स्तरिय सिफारिस गरिने संयाेजक सन्तोष नेपालीले कार्यक्रममा बताउनु भएको छ।
कार्यक्रम पुस २५ गते बाट सुरु भई , अन्तिम फाइनल माघ २७ गते (सोनाम ल्होछार) को दिन हुने आयोजकले जनाएको छ । पालिकाबाट छनोट भएका ९ उत्कृष्ठ नृत्य र ९ उत्कृष्ठ गायन प्रतियोगिहरु बिच प्रतिष्पर्धा गराइने र प्रतियोगिताबाट एक जना नृत्य र एक जना गायन लाई सिन्धुली लोक स्टार सिजन १ को उपाधि प्रदान गरिने छ ।
सिन्धुली लोक स्टार सिजन १ को पुरस्कार १ लाख रहेकाे छ । नृत्य तर्फ ५० हजार र गायन तर्फ ५० रहेको वारियर डान्स सेन्टर सिन्धुलीका सन्चालक तथा कार्यक्रम संयोजक सन्तोष नेपालीले बताउनु भएको छ ।
