काठमाडौं: नेपाली कांग्रेस डडेल्धुरा जिल्ला कार्यसमितिले आगामी प्रतिनिधिसभा निर्वाचनका लागि पार्टी सभापति शेरबहादुर देउवालाई एकल उम्मेदवारका रूपमा सिफारिस गरेको छ।
जिल्ला कार्यसमितिको बिहीबार बसेको बैठकले प्रत्यक्षतर्फ देउवाको नाम सर्वसम्मत रूपमा सिफारिस गर्ने निर्णय गरेको हो।
सभापति देउवा २०४८ सालदेखि निरन्तर डडेल्धुराबाटै चुनावी प्रतिस्पर्धामा सहभागी हुँदै आएका छन्। जिल्ला सभापति भीमबहादुर साउदका अनुसार यसपटक पनि प्रतिनिधिसभा सदस्यका लागि देउवाको नाम कुनै प्रतिस्पर्धा बिना नै सर्वसम्मत रूपमा सिफारिस गरिएको हो।
