काठमाडौँ: प्रतिनिधिसभाका ज्येष्ठ सदस्य अर्जुननरसिंह केसीले सभामुख पदमा डोलप्रसाद अर्याल निर्वाचित भएको घोषणा गर्नुभएको छ।
आइतबार बिहान ११ बजे सिंहदरबारस्थित निर्माणाधीन सङ्घीय संसद् भवनको बहुउद्देश्यीय हलमा बसेको बैठकमा केसीले अर्याल सभामुखमा निर्वाचित भएको जानकारी दिए।
अर्यालको प्रस्तावकमा रवि लामिछाने रहनुभएको थियो भने समर्थकमा सोविता गौतम, स्वर्णिम वाग्ले र सुनील लम्साल रहनुभएको थियो। उनीहरूले आ–आफ्नो धारणा राखेपछि सभामुखमा अर्याल निर्वाचित भएको औपचारिक घोषणा गरिएको हो।
एकल उम्मेदवारी परेकाले अर्याल यसअघि नै निर्विरोध निर्वाचित भइसकेका थिए। निर्वाचित भएपछि अर्यालले आजै राष्ट्रपति रामचन्द्र पौडेलसमक्ष पद तथा गोपनीयताको शपथ लिने कार्यक्रम रहेको छ।
