काठमाडौं: उपसभामुख रुबीकुमारी ठाकुरले पदभार ग्रहण गरेकी छन्। सोमबार सिंहदरबारस्थित आफ्नो कार्यकक्षमा पुगेर उनले औपचारिक रूपमा जिम्मेवारी सम्हालेकी हुन्।
गत चैत २७ गते सम्पन्न उपसभामुख निर्वाचनमा श्रम संस्कृति पार्टीकी ठाकुर र राष्ट्रिय प्रजातन्त्र पार्टीकी सरस्वती लामा प्रतिस्पर्धामा रहेका थिए। राष्ट्रिय स्वतन्त्र पार्टी, नेपाली कांग्रेस, नेकपालगायत दलहरूको समर्थन पाएपछि ठाकुर उपसभामुख पदमा निर्वाचित भएकी हुन्।
पदभार ग्रहणपछि उनले सभामुख डोलप्रसाद अर्यालसँग शिष्टाचार भेटसमेत गरेकी छन्।
