काठमाडौँ — भारतका चिफ अफ डिफेन्स स्टाफ विपिन रावतको तमिलनाडूको कुन्नुर नजिकै भएको हेलिकोप्टर दुर्घटनामा परेर मृत्यु भएको छ । भारतीय वायु सेनाले हेलिकोप्टर दुर्घटनामा रावतसहित उनको पत्नि मधुलिका र अन्य थप ११ जनाको मृत्यु भएको जानकारी दिएको हाे ।
रावत सवार हेलिकोप्टर बुधबार दिउँसो निलगिरिमा दुर्घटनाग्रस्त भएको थियो । रावत भारतको पहिलो चिफ अफ डिफेन्स स्टाफ हुन् । यसअघि उनी भारतीय स्थल सेनाध्याक्ष रहेका थिए ।
उत्तराखण्डको गडवालमा सन् १९५८ मार्च १६ मा जन्मिएका रावत सन् १९७८ मा ११ गोर्खा राइफल्समा भर्ना भएका थिए । रावतले सन् २०२० काे जनवरीबाट भारतको चिफ अफ डिफेन्स स्टाफको जिम्मेवारीमा रहेका थिए ।
