काठमाडौं । भारतकाे जेलमा आफ्नाे ४० बर्ष बिताएका द्रुर्गाप्रसाद तिम्सिना (दीपक जैसी) ले निर्दाेष हुदाहुदै कैदी जिवन बिताउनु परेकाेमा यसकाे क्षतिपुर्ति स्वरुप आठ लाख ( भारु पाँच लाख ) रुपैयाँ पाउने भएका छन्।
भारतको जेलमा निर्दाेष हुदाहुदै पनि ४० वर्ष कैदी जिवन बिताएर गत चैतमा रिहा भएका इलामका दुर्गाप्रसाद तिम्सिना (दीपक जैसी)लाई भारु पाँच लाख रुपैयाँ क्षतिपूर्ति दिन कलकत्ताको उच्च अदालतले पश्चिम बंगाल सरकारलाई आदेश दिएको हाे।
मुख्य न्यायाधीश प्रकाश श्रीवास्तव र न्यायाधीश राजर्षि भारद्वाजको संयुक्त इजलासले तिम्सिनाको खातामा तत्काल आठ लाख ( भारु पाँच लाख ) रुपैयाँ जम्मा गर्न आदेश दिएको हो ।
उच्च अदालतले ७ डिसेम्बर (मंसिर २१ गते) को दिन भारतस्थित नेपाली महावाणिज्य दूतावासमार्फत् दुर्गाप्रसादको बैंक खातामा आठ लाख ( भारु पाँच लाख ) रुपैयाँ पठाउन आदेश दिएको छ ।’
अबको ६ साताभित्र कलकत्ता सरकारले दुर्गाप्रसाद तिम्सिनाकै खातामा रकम जम्मा गर्नुे छ र उनको बैंक खाता नभए, उनको नजिकको नातेदारको खातामा रकम पठाउने छ ।
दुर्गाप्रसाद १९ वर्षको हुँदा तोरी बेच्न भन्दै मंगलबारे गएका थिए । त्यहाँबाट आएको पैसा लिएर उनी काम खोज्दै दार्जिलिङ पुगेका थिए । दार्जिलिङमा एक युवतीको हत्या आरोपमा उनी पक्राउ परेका थिए । आरोप प्रमाणित नभएपछि २०७७ चैत ४ गते कोलकाता उच्च अदालतले दुर्गाप्रसादलाई रिहा गर्न आदेश दिएको थियो । चैत ७ गते उनी कोलकाताको दमदम कारागारबाट रिहा भएका थिए ।
