काठमाडौं । विवेकशील साझा पार्टीकी नेतृ रञ्जु दर्शनाले पार्टी परित्याग गरेकी छन् । उनले पार्टीको मूल नेतृत्व ढोंगी भएको भन्दै रञ्जुले बिहीबार वक्तव्य जारी गर्दै पार्टि परित्यागकाे घाेषणा गरेकी हुन्। अब एक सचेत, स्वतन्त्र नागरिकको भूमिकामा मात्रै राजनीति रुपमा सक्रिय रहने र अहिले पार्टीमा लिएको सम्पर्ण जिम्मेवारीका साथै साधारण सदस्यसमेत नरहने गरी विवेकशील साझाबाट अलग भएको घोषणामा भनिएकाे छ।
अहिले म संलग्न पार्टीले संघीय गणतान्त्रिक नेपालमा वैकल्पिक राजनीतिकाे खोल ओढेर राजिनतिमा अत्यधिक फोहोर गरिरहेको छ, आफु सके राजनीतिमा रहेकाे फोहोर सफा गर्ने, नसके फोहोर नगर्ने भनेर राजनीतिमा आएका कारण पार्टि परित्याग गरेकाे उनले भनेकि छन्। जुन मैले सफा गर्ने कोशिस पनि गरें तर पूर्णरुपले सफा गर्न असमर्थ रहें । तसर्थ म यही संगठनमा बसेर नेपाली राजनीतिमा थप फोहोर बढाउन सक्दिनँ उनले अगाडी थपिन्।’
विवेकशील साझा पार्टीको सचिवालय सदस्य पदमा रहेकी दर्शनाले पार्टी अध्यक्ष रवीन्द्र मिश्रलाई पत्र लेखेर पनि पार्टी परित्याग गरेको जानकारी दिएकी छन् ।
दर्शना तत्कालीन विवेकशील नेपाली दलको संस्थापक सदस्य हुन् । उनी स्थानीय तहको निर्वाचनमा काठमाडौं महानगरपालिकाको मेयर पदको उम्मेदवारसमेत बनेकी थिइन् । निर्वाचनमा उनी तेस्रो स्थानमा रहिन् ।
