प्रधानमन्त्री शेरबहादुर देउवाले नेकपा एमाले अध्यक्ष केपी शर्मा ओलीलाई भट्दै
काठमाडौं । प्रधानमन्त्री शेरबहादुर देउवा र नेकपा एमाले अध्यक्ष केपी शर्मा ओली बिच भेटघाट हुने भएको छ । सत्तारूढ गठबन्धनका दलहरूको बैठक बिना निष्कर्स सकिए लगत्तै प्रधानमन्त्री शेरबहादुर देउवाले प्रमुख प्रतिपक्षी नेकपा (एमाले) का अध्यक्ष केपी शर्मा ओलीलाई भट्ने भएका हुन् ।
स्रोतका अनुसार देउवा र ओलीबीच अहिले केही बेरमा भेटवार्ता हुन लागेको छ । केहीबेर अघि बालुवाटारमा सकिएको सत्तारूढ गठबन्धनको बैठकलगत्तै प्रधानमन्त्री देउवा ओलीलाई भेट्न बालकोट निस्किएका छन् ।
सत्तारूढ गठबन्धनमा रहेका नेकपा माओवादी केन्द्र र नेकपा एकीकृत समाजवादीले एमसिसी संसदबाट पारित गर्न सहयोग नगर्ने भएपछि प्रधानमन्त्री देउवाले प्रमुख प्रतिपक्षी एमालेसँग संवाद बढाई रहेका छन् ।
बिहीबार बिहान कांग्रेस नेता तथा सांसद मीनेन्द्र रिजाल ओलीलाई भेट्न उनको निवास बालकोट पुगेका थिए भने सञ्चार मन्त्री ज्ञानेन्द्र कार्कीले पनि ओलीसँग कुरा गरेका थिए।
प्रधानमन्त्री देउवा एमसिसी संसदमा टेबल गर्ने र पारित गर्ने कुरामा दृढ छन् । नेपालको पछिल्लो राजनिति एमसीसीकै वरिपरि घुममिरहेको छ ।
