काठमाडौं । एमसीसीबारे सहमति खोज्न बसेको सत्तारुढ दलको बैठकबाट सहमति जुटेन । अमेरिकी सहयोग परियोजना एमसीसीबारे सहमति खोज्न बसेको सत्तारुढ चार दलका शीर्ष नेताहरुको बैठक विना निष्कर्ष टुंगिएका कारण सहमति नजुटेको हो ।
बैठकमा नेपाली कांग्रेसबाट प्रधानमन्त्री शेरबहादुर देउवा, कांग्रेस उपसभापति पूर्णबहादुर खड्का, महामन्त्री गगन थापा, नेता कृष्ण सिटौला थिए । त्यस्तै माओवादी केन्द्रका तर्फबाट अध्यक्ष पुष्पकमल दाहाल प्रचण्ड, नेता नारायणकाजी श्रेष्ठ थिए भने एकीकृत समाजवादीका अध्यक्ष माधवकुमार नेपाल र सम्मानित नेता झलनाथ खनाल र जनता समाजवादी पार्टीका संघीय परिषद् अध्यक्ष डा बाबुराम भट्टराई सहभागी थिए ।
संसदमा गएको बुधबार सम्पुर्ण तयारी गरेको भए पनि नेकपा माओवादी केन्द्र र नेकपा एकिकृत समाजवादी सम्झौताबाट पछि हटेपछि एमसीसी टेबल गर्न रोकेका थिए । आज बुधबार साझ बालुवाटारमा बसेको बैठकमा प्रधानमन्त्री शेरबहादुर देउवाले भोलि शुक्रबार बोलाइएको संसद बैठकमा एमसीसी टेबल गर्ने प्रस्ताव गरेका थिए ।
नेकपा माओवादी केन्द्रले पहिले संसदको अवरोध हट्नुपर्ने पुरानै अडान दोहोर्याएको छ । माओवादी अध्यक्ष प्रचण्डका स्वकीय सचिव रमेश मल्लका अनुसार शुक्रबार बिहान पुनः गठबन्धनको बैठक बस्ने छ ।
एमसीसी टेबल गरेर संसदबाट पास गर्नुपर्ने तयारीमा जुटेका प्रधानमन्त्री सेरबहादुर देउवालाई हाल गठबन्धनका दलहरुले साथ नदिएको अबस्थामा छ । जसरी पनि भोली शुक्रबार एमसीसी टेबल गरेर पास गर्ने गरेर छलफलका लागी भोली बिहान पुनः बालुवाटार बोलाएर आजको छलफल बिना निष्कर्स सकिएको हो ।
