महासंघ रामेछापको २० औं बार्षिक साधारण सभा सम्पन्न

रामेछाप । नेपाल पत्रकार महासंघ जिल्ला शाखा रामेछापको २० औं बार्षिक साधारण सभा सोमबार मन्थलीको फ्रिडम रिसोर्टमा विभिन्न निर्णय गर्दै सम्पन्न भएको छ ।
जिल्ला अध्यक्ष बद्री नयाँघरेको अध्यक्षतामा भएको उक्त बार्षिक साधारण सभाले शाखाका सचिव तुल्सीदेवि श्रेष्ठद्धारा प्रश्तुत सांगठानिक प्रतिवेदन र कोषाध्यक्ष युवराज श्रेष्ठद्धारा प्रश्तुत आर्थिक प्रतिवेदनलाई पारित गरेको छ । जिल्ला शाखामा स्थापीत दुई पुरस्कार कोषको कार्यविधिलाई समेत बार्षिक साधारण सभाले पारित गरी लागू गरेको छ ।
साधारण सभालाई संवोधन गर्दै अध्यक्ष नयाँघरेले आफ्नो कार्यकालमा पत्रकारहरुको आन्दोलनका कारण कतिपय योजनाहरु कार्यान्वयन गर्न समस्या आएको भन्दै आगामी दिनमा आउने नेतृत्वले महासंघलाई उर्जाशिल वनाएर लैजान आग्रह गरेका थिए । महासंघ जिल्ला शाखाले जिल्ला सदरमुकाम मन्थलीमा व्यवस्थित कार्यालय भवन निर्माण गरी व्यवसायीक क्षेत्रमा प्रयोग गर्दै आएको छ । आउदा दिनमा पत्रकारीता क्षेत्रको विकासका लागि कार्यक्रम तर्जुमा गरी लागू गर्ने विषयमा समेत साधारण सभामा छलफल भएको थियो ।
यसैविच महासंघ जिल्ला अधिवेदको तयारीमा जुटेको छ । जिल्ला अधिवेशनले नयाँ नेतृत्व समेत चुन्नेछ । शाखाको नेतृत्व चयनका लागि बुधबार मनोनयन दर्ता गर्ने कार्यक्रम सार्वजनिक भइसकेको छ ।