काठमाडाैं। प्रधानन्यायाधीश चोलेन्द्र शमशेर जबराले नेपाल बार एसोसिएसनलाई वार्ताका लागि आह्वान गरेका छन्। उनले शुक्रबार नेपाल बारका अध्यक्ष चण्डेश्वर श्रेष्ठलाई पत्र पठाएर वार्ताको आह्वान गरेका हुन्।
नेपाल बारका महासचिव लिलामणि पौडैलले प्रधानन्यायाधीश जबराबाट पत्र प्राप्त भएको जानकारी दिए। बारले छलफलपछि जवाफ दिने वा नदिने निर्णय लिने उनले बताए।
बारले आज दिउँसो ३ बजेसम्म राजीनामा दिन प्रधानन्यायाधीश जबरालाई ‘अल्टिमेटम’ दिएको थियो। राणाले राजीनामा नदिए थप सशक्त कदम चाल्ने बारका अध्यक्ष श्रेष्ठले चेतावनी दिएका थिए।
नेपाल बार आन्दोलनका कार्यक्रम तय गर्न अहिले पनि छलफलमा छ। प्रधानन्यायाधीशले पठाएको पत्र बारे अध्यक्ष श्रेष्ठले बैठकमा जानकारी गराएका छन्। तर बार तत्काल वार्तामा सहभागी हुने पक्षमा नरहेकोउपाध्यक्ष रक्षा बस्यालको भनाई छ।
उनले भनिन्, ‘अहिले नै निर्णय त भइसकेको छैन। तर वार्तामा सहभागी हुने सम्भावना छैन। हामीले राजीनामा मागेको हो। अरु विषयमा सहमति हुने सम्भावना छैन।’यो खबर पढेर तपाईलाई कस्तो महसुस भयो ?
