काठमाडौं: नेपाली कांग्रेसका नेता डा। शेखर कोइरालाले विशेष महाधिवेशनका लागि हस्ताक्षर प्रमाणीकरण प्रक्रियाले पार्टीलाई चुनौतीपूर्ण परिस्थितिमा पुर्याउन सक्ने चेतावनी दिएका छन्।
मंगलबार केन्द्रीय समिति बैठकपछि सञ्चारकर्मीहरूसँग छोटो कुराकानी गर्दै डा। कोइरालाले विशेष महाधिवेशनसम्बन्धी निर्णयको जिम्मेवारी केन्द्रीय समितिले नै लिनुपर्ने स्पष्ट पारे।
उनले भने, “विशेष महाधिवेशनका लागि हस्ताक्षर प्रमाणीकरण सुरु हुने बित्तिकै पार्टीभित्र विभाजनको मनोविज्ञान उत्पन्न हुन्छ। यदि ४० प्रतिशत सदस्यले मात्र समर्थन गरे पनि त्यो पार्टीभित्रको विभाजनको संकेत हो, र बाँकी ६० प्रतिशत पनि विभाजित हुन सक्ने सम्भावना छ।”
डा। कोइरालाले पार्टीभित्र उत्पन्न विवाद समाधान गर्न आफू समन्वयकारी भूमिका निभाउने बताए। उनले कांग्रेसमा मध्यमार्गी सोच र एकताको पक्षमा रहेका नेताहरू अन्ततः सफल हुने विश्वास व्यक्त गरे। साथै, यदि नियमित महाधिवेशन सम्भव नभएमा विशेष महाधिवेशन अपरिहार्य हुने पनि स्पष्ट पारे।
