काठमाडौं: मन्त्री शेख हसिनालाई मानवताविरुद्धका अपराधमा दोषी ठहर गर्दै अदालतले मृत्यु दण्डको सजाय सुनाएको बीबीसीलाई उद्धृत गर्दै जनाइएको छ।
गत वर्ष बंगलादेशमा विद्यार्थी आन्दोलनका क्रममा सुरक्षाकर्मीलाई घातक दमनकारी कारबाही गर्न हसिनाले आदेश दिएको आरोपमा उनीविरुद्ध दायर मुद्दामा महिनौँसम्म सुनुवाइ चलेपछि सोमबार फैसला सार्वजनिक गरिएको हो।
न्यायाधीश गुलाम मुर्तजाको अध्यक्षतामा रहेको अन्तर्राष्ट्रिय अपराध न्यायाधिकरण (आईसीटी) ले हसिनाले आन्दोलन दमनका लागि अत्यधिक बल प्रयोग गर्न निर्देशन दिएको ठहर गरेको छ। अदालतका अनुसार उहाँले प्रदर्शनकारीको पहिचान र खोजीका लागि सुरक्षाकर्मीलाई ड्रोन प्रयोग गर्न अनुमति दिनुभएको थियो भने भीड जम्मा भएका स्थानमा हेलिकोप्टरमार्फत विस्फोटक पदार्थ खसाल्न पनि स्वीकृति दिएको उल्लेख छ।
भारतमा निर्वासनमा बस्नुभएकी हसिनाको अनुपस्थितिमै उहाँविरुद्ध मुद्दा चलाइएको थियो।
अदालतले तत्कालीन गृहमन्त्री आसदुज्जामान खान कमाललाई मृत्युदण्डको सजाय सुनाएको छ। तत्काली प्रहरी प्रमुख अल ममूनलाई भने सरकारी गवाहा बनेका कारण ५ वर्षको सजाय सुनाइएको छ।
