काठमाडौं: दोस्रो संस्करणको नेपाल प्रिमियर लिग (एनपीएल) अन्तर्गत आज दुई खेल हुँदैछन्। कीर्तिपुरस्थित टियु क्रिकेट मैदानमा पहिलो खेलमा चितवन राइनोज र कर्णाली राइनोज प्रतिस्पर्धा गर्नेछन्। खेल बिहान ११:४५ बजे सुरु हुनेछ। चितवन राइनोजको नेतृत्व कुशल मल्लले गर्नेछन् भने कर्णाली राइनोजका कप्तान सोमपाल कामी रहनेछन्।
यस्तै, आजकै दोस्रो खेलमा विराटनगर किङ्ग्स र पोखरा एभेन्जर्स भिड्नेछन्। विराटनगरको कप्तानी सन्दीप लामिछानेले गर्नेछन् भने पोखराको नेतृत्व कुशल भुर्तेलले सम्हाल्नेछन्।
यसअघि सोमबार भएको उद्धाटन खेलमा साविक विजेता जनकपुर बोल्ट्सलाई पाँच विकेटले हराउँदै काठमाडौं गोर्खाजले प्रतियोगितामा विजयी शुरुवात गरेको हो। जितसँगै काठमाडौंले दुई अङ्क पनि जोडेको छ। नेपाल क्रिकेट सङ्घ (क्यान)को आयोजनामा भएको प्रतियोगिता मङ्सिर १ गतेदेखि मङ्सिर २७ गतेसम्म चल्नेछ।
