गगन थापाले दिए कांग्रेसको सभापति बाट राजीनामा

काठमाडौँ ।  निर्वाचनमा अप्रत्याशित पराजय व्यहोरेपछि नेपाली कांग्रेस का सभापति गगन थापा ले नैतिक जिम्मेवारी स्विकार्दै पदबाट राजीनामा दिएका छन्।
उनले आफ्नो राजीनामा उपसभापति विश्वप्रकाश शर्मा लाई बुझाएका हुन्। हालसम्म पार्टीले राजीनामा औपचारिक रूपमा सार्वजनिक गरेको छैन।
पार्टी स्रोतका अनुसार, ६ चैतमा बस्ने केन्द्रीय कार्यसमिति बैठकमा थापाको राजीनामाबारे औपचारिक छलफल हुनेछ। स्वीकृत गर्ने वा नगर्ने निर्णय सोही बैठकले गर्नेछ।
थापाको नेतृत्वमा विशेष महाधिवेशन भृकुटीमण्डपमा २७–३० पुसमा सम्पन्न भएको थियो, जसले १ सय ३४ सदस्यीय नयाँ केन्द्रीय कार्यसमिति चयन गरेको थियो। तत्कालीन सभापति शेरबहादुर देउवा र कार्यवाहक सभापति पूर्णबहादुर खड्का ले त्यसको वैधानिकता चुनौती दिँदै सर्वोच्चमा मुद्दा दायर गरेका छन्।
निर्वाचनमा राम्रो नतिजा ल्याउने अपेक्षा गर्दै थापाले पार्टी नेतृत्वको अलोकप्रियता हटाउने प्रयास गरे पनि अप्रत्याशित हारपछि उनले पदबाट राजीनामा दिने निर्णय गरेका हुन्।