काठमाडौँ: नेपाली कांग्रेसले पार्टीका पूर्वउपसभापति पूर्णबहादुर खड्कासँग सात दिनभित्र स्पष्टीकरण माग्ने निर्णय गरेको छ।
कांग्रेस अनुशासन समितिको आज बसेको बैठकले नेता खड्काले पार्टीको लेटरप्याड प्रयोग गरी आफ्नो अधिकारभन्दा बाहिर गएर गत चैत ३० गते विधानविपरीत काम गरेको ठहर गर्दै सो निर्णय गरेको हो।
यसअघि पनि उनले चैत १४ गते पार्टीको लेटरप्याडमार्फत वक्तव्य जारी गरेको भन्दै समितिले सचेत गराउने निर्णय गरेको थियो।
त्यसैगरी, समितिले फागुन २१ गते सम्पन्न प्रतिनिधिसभा सदस्य निर्वाचनका क्रममा पार्टी विधानविपरीत अनुशासन उल्लङ्घन गर्नेहरूमाथि उजुरी दिने समय थप गर्दै आगामी वैशाख मसान्तसम्म कायम गर्ने निर्णय गरेको छ।
