काठमाडौं: नेपाली कांग्रेस को केन्द्रीय कार्यसम्पादन समितिले भीष्मराज आङ्देम्बे लाई पार्टी संसदीय दलको नेता बनाउने सर्वसम्मत निर्णय गरेको छ ।
पार्टी केन्द्रीय कार्यालय सानेपामा सोमबार बसेको बैठकले सभापति गगनकुमार थापा को प्रस्तावमा समानुपातिक निर्वाचन प्रणालीबाट निर्वाचित सांसद आङ्देम्बेलाई संसदीय दलको नेतामा चयन गर्ने निर्णय गरेको हो ।
पार्टीका महामन्त्री गुरुराज घिमिरे का अनुसार कार्यसम्पादन समितिको निर्णयलाई आजै बस्ने संसदीय दलको बैठकले अनुमोदन गर्नेछ ।
यसअघि संसदीय दलको नेतामा तीन जना नेताले दाबी गरेपछि सहमति जुटाउन उपसभापति विश्वप्रकाश शर्मा को संयोजकत्वमा दुवै महामन्त्री सहभागी रहेको समिति गठन गरिएको थियो ।
उक्त समितिको गृहकार्यपछि कार्यसम्पादन समितिले संसदीय दलको नेता सर्वसम्मत रूपमा चयन गर्ने निर्णय गरेको हो।
बताइएअनुसार विसं २०६४ पछि पहिलोपटक कांग्रेस संसदीय दलको नेता सर्वसम्मत रूपमा चयन हुन लागेको हो ।
