रामेछापका पूर्व पार्टी सभापति रामचन्द्र खड्का कांग्रेसको केन्द्रीय सदस्य बन्ने

रामेछाप । नेपाली कांग्रेस रामेछापका पूर्व पार्टी सभापति रामचन्द्र खड्काले १५औँ महाधिवेशनमा केन्द्रीय सदस्य पदमा उम्मेदवारी दिने तयारी सार्वजनिक गरेका छन्।
खड्काले फेसबुकमार्फत आफू २०२८ सालदेखि नेविसंघ हुँदै विभिन्न लोकतान्त्रिक आन्दोलनमा सक्रिय रहेको उल्लेख गर्दै बदलिँदो समयअनुसार पार्टीमा आफ्नो भूमिका अघि बढाउन केन्द्रीय सदस्यमा उम्मेदवारी दिने सोच बनाएको बताएका छन्। उनले उम्मेदवारीबारे नेता–कार्यकर्ता तथा शुभेच्छुकसँग सल्लाह र सुझावसमेत मागेका छन्।
नेपाली कांग्रेसको रामेछापबाट केन्द्रीय महाधिवेशन प्रतिनिधिको मतपरिणाम सार्वजनिक भएको करिब १२ घण्टापछि खड्काले उम्मेदवारीको तयारी सार्वजनिक गरेका हुन्।