वीरगञ्ज । वीरगञ्जमा एक बालिकाको शव भेटिएको छ । वीरगञ्ज – १५ भिश्वामा अभिभावकसँगै डेरामा बस्दै आएकी अन्दाजी ९ वर्षीया रिजवाना खातुनको वीरगञ्ज महानगरपालिका – १६ नगवामा घोप्टो परेको अवस्थामा शव भेटिएको हो ।
जिल्ला प्रहरी कार्यालय पर्साका प्रवक्ता प्रहरी नायब उपरीक्षक (डीएसपी) ओमप्रकाश खनालका अनुसार निर्माणधीन घरको चेपमा बालिकाको शव भेटिएको छ ।
शव निकाल्ने, घटनास्थल शव जाँच मुचुल्का तयार गर्नेलगायत अनुसन्धानका काम सकिएपछि शवलाई पोष्टमार्टमका लागि नारायणी अस्पताल पठाइने प्रहरीले जनाएको छ ।
पोष्टमार्टम रिपोर्टपछि मात्रै मृत्युको कारण खुल्ने प्रहरी नायब उपरीक्षक खनालले बताउनु भएको छ । ।
