काठमाडाैं । राप्रपाले निष्काशन गरेका जिल्ला अध्यक्ष सहित नेकपा एमालेमा प्रवेश गरेका छन् । राप्रपाले निष्काशन गरेका राप्रपा काभ्रेका अध्यक्ष टुल्कु लामालगायत नेकपा एमालेमा प्रवेश गरेका हुन् ।
शुक्रबार राप्रकाका जिल्ला अध्यक्ष टुल्कु लामा र पदाधिकारीलगायत जिल्ला नेतृत्व तथा अन्य पार्टी परित्याग गर्नेलाई एमाले अध्यक्ष केपी शर्मा ओलीले एमालेमा प्रवेश गराउनु भएको हो ।
एमाले काभ्रेलाञ्चोकको १० औँ जिल्ला अधिवेशनलाई धुलिखेलमा सम्बोधन गर्दै ओलीले उनीहरुलाई पार्टीमा स्वागत गर्नुभएको हो ।
पार्टी हितविपरीतको गतिविधि गरेको भन्दै राप्रपा अध्यक्ष राजेन्द्र लिङ्देनद्वारा केही दिनअघि लामासहित उपाध्यक्ष श्रीदास लामा, उपाध्यक्ष गंगामाया लामा र सचिव धनजित लामालाई कारबाही गरिएको थियो र सो कारबाहीको पूर्वअध्यक्ष कमल थापाले विरोध गर्नु भएको थियो ।
तर यता उनीहरु एमालेमा जान लागेको सूचना आएकाले नै राप्रपा काभ्रे कै अन्य नेताको सिफारिसमा उनीहरुलाई कारबाहि गरिएको राप्रपाका नेताहरुको भनाइ छ ।
