काठमाडौँ । आज बौध्दमा भएको सवारी दुर्घटनामा एक जनाको मृत्यु भएको छ । काटमाडौ महानगरपालिका–६ बौद्धमा बस र कारमा मोटरसाइकल ठोक्किदा एक व्यक्तिको मृत्यु भएको हो ।
सडकमा प्र–३–०१–०२२ च ५१९५ नंमरको कार र बा३ख ४८१० नंमरको बसमा बा३४प ५६५७ नंमरको मोटरसाइकल ठक्कर खादा दुर्घटना भएको हो । दुर्घटनामा मोटरसाइकल चालक अन्दाजी २५ वर्षीय एक पुरुषको मृत्यु भएको प्रहरी प्रधान कार्यालयले जनाएको छ ।
हालसम्म उनको पहिचान भने खुलेको छैन । आज दिउँसो भएको दुर्घटनामा गम्भीर घाइते भएका उनको टिचिङ अस्पतालमा उपचारका क्रममा मृत्यु भएको हो ।
कार र बसका चालकलाई नियन्त्रणमा लिई थप अनुसन्धान भइरहेको प्रहरीले जनाएको छ ।
