काठमाडौं । निर्वाचन आयोगले सिफारिस गरेको मितिमा स्थानीय तहको निर्वाचन गर्नुपर्ने केपी शर्मा ओलीले बताएका छन् । नेकपा एमालेका अध्यक्ष तथा पुर्व–प्रधानमन्त्री केपी शर्मा ओलीले निर्वाचन आयोगले सिफारिस गरेको मिति जेठ ४ गतेमा नै सरकारले स्थानीय तहको निर्वाचन गर्नुपर्ने बताएका हुन् ।
काठमाडौंको एक कार्यक्रममा उनले बोल्दै निर्वाचन आयोगले सिफारिस गरेको गरेको मितिमा चुनावको घोषणा गर्नु र निर्वाचन सम्पन्न गर्नु सरकारको दायित्व भएको बताए । अहिलेको सत्तारुढ गठबन्धन सत्ता स्वार्थमा केन्द्रित भएको र चुनावलाई संविधान र कानुन विपरीत आफुखुशी उपयोग गर्न खोजेको ओलीले आरोप समेत लगाएका छन् ।
अध्यक्ष ओलीले स्थानीय तहको निर्वाचन एकै चरणमा गर्नुपर्ने विभिन्न चरण उपचरण गर्न नहुने बताएका छन् । उनले चरण चरणमा गर्ने हो भने यही फागुन देखि गर्नुपर्दछ ।
‘निर्वाचन आयोगले सिफारिस गरेको मितिमा निर्वाचन गर्नैपर्ने हुन्छ । यो सरकारको स्वेईच्छाको विषय नभएको र यो कुरा संवैधानिक, कानुनी र लोकतान्त्रिक बाध्यता हो । यो सरकारको कर्तव्य पनि हो’ उनले भने, औपचारिताका लागी दिन तोक्ने अधिकार मात्र हो सरकारको हो।’
यस अघि नै निर्वाचन आयोगका पदाधिकारीले प्रधानमन्त्री शेरबहादुर देउवालाई भेटेर स्थानीय तहको निर्वाचन जेठ ४ गते गर्न सिफारिस गरिसकेको छन् । सरकारले भने निर्वाचन आयोगले सिफारिस गरेको दिनमा स्थानीय तहको निर्वाचनको गर्नका लागी मिति तोक्न आनाकानी गरिरहेको पनि ओलीले टिप्पणी गरेका छन् ।
