काठमाडौं । शेयर कारोबार दोहोरो अंकले घट्दा, कारोबार रकममा भने बृद्धि भएको छ । शेयर बजार कारोबारको आज साताको अन्तिम दिन नेप्से परिसूचक दोहोरो अंकले घटेको हो ।
आज (बिहीबार) शेयर कारोबार मापक नेप्से परिसूचक १४ दशमलव ५८ अंकले घटेको छ । हाल परिसुचक २ हजार ८ सय ७६ दशमलव ७५ अंकमा झरेर बसेको छ भने (क) वर्गका कम्पनीहरुको इन्डेक्स समेत ३.२६ अंकले तल झरेको छ ।
कारोबारको अधिकांश समय हरियो देखिएकोको बजार अन्तिम समयमा लगातार दोहोरो अंकले घटेर कारोबार बन्द भयो । आज बजार घटेपनि धेरै जसो हाइड्रोपावर कम्पनीहरु र निर्जिवन बीमा कम्पनीहरुको शेयर मूल्य उकालो लागेको छ ।
आज एकैदिन साढे ८ अर्ब माथिको शेयर कारोबार भएको छ । यो पछिल्लो समयको कारोबार रकम भन्दा धेरै माथि हो । एकै दिन कारोबार रकम बढ्नुलाई ईन्डेक्स घटे पनि राम्रो रुपमा लिन सकिन्छ ।
आज १ लाख ८ हजार ३ सय ६५ कारोबारबाट २२४ कम्पनीका शेयर खरीद बिक्रि भयो भने धितोपत्रको १ करोड ५७ लाख ८० हजार ७१३ कित्ता शेयर किनबेच भयो ।
