नेपाल स्टक एक्सचेञ्ज (नेप्से)को सीईओमा कृष्णबहादुर कार्की नियुक्त भएका छन् । मन्त्रिपरिषदको आजको बैठकले नेप्सेको सीईओमा कार्कीलाई नियुक्त गरेको हो ।
नेप्सेको सीईओका लागि डा. केशव श्रेष्ठ, डा. रमेशकुमार भण्डारी र कृष्णबहादुर कार्कीको नाम सिफारिस भएको थिए । सिफारिस गरिएकाबाट कार्कि सीईओमा नियक्त भएका हुन् ।
नेप्से पछिल्लो ६ महिना यता नेतृत्त्व बिहिन अवस्थामा थियो । यसैकारण आईपो निष्कासनका काम पनि रोकिएका थिए तर हाल सिईओ नहुदा पनि आईपीओ निष्कासन गर्न मिल्ने नियम लागु गरेर नया दुई कम्पनीको आईपीओ निष्कासनको मिति तोकिसकिएको छ ।
प्रिमियम मुल्यमा आइपीओ निष्कासनको तयारीमा रहेको सर्वोत्तम सिमेन्टको सेयर श्रीमतीको नाममा खरीद गरिएको प्रकरण बाहिर मिडियामा आएपछि तत्कालिन सीईओ चन्द्र सिंह साउदले २०७८ भदौ ८ गते राजिनामा दिएका थिए । उनको राजिनामा पछि हाल सम्म नेप्सेमा सीईओ पद खाली थियो ।
