फेब्रुअरी र वसन्त दुवै नाजुक हृदयमा दोहोरो प्रहार गर्न आएका छन् । कतै रमाइलो गर्न निस्कियो भने एकातिर वसन्तको हावाले मनमा आगो लगाइदिन्छ, अर्कोतिर हाँगाबाट खसेका पहेँलो पातहरुले मनको पुरानो पीडा सम्झाइदिन्छ।
भ्यालेन्टाइन डे को दिन कसैले प्रपोज गर्यो भने प्रेम भइहाल्छ, कति जना गनिदैन जति धेरै प्रस्ताव उति धेरै प्रेमी अनि प्रेमिका आज भोलिको प्रेमको परिभाषा यहि हो । म एउटा घटनालाई सम्झिन्छु केही वर्ष पहिले मेरो साथिको बर्षौ पुरानो प्रेममा भ्यालेन्टाइन डे कै दिन पुर्णविराम लागेकाे थियो, हामी त्यो साँझ कुनै शहरको कुनै एक एकान्त चउरमा बसेर धेरै रक्सी पिएर दुबै खुब रोएका थियौं ।
प्रेम गर्नेहरुका लागि हरदिन हरपल प्रेममय छ र हुनुपर्छ तर यो त ब्यापारिहरुकाे मौका पारेर लुट्ने अर्थात ब्यापार गर्ने माैसम हाे । उसो त ब्यापारी पिन लुटिन्छ, उ पटक पटक लुटिएको कहानि पनि मैले सुनेको देखेको छु ।
फेब्रुअरीले कसैको जिन्दगीमा साच्चिकै वसन्त ल्याएर आउछ, गुलावी रङ्ग ल्याएर आउछ । कसैको जिन्दगीमा भने उहीँ चैतमासको हुरि । तपाईं सिंगल हुनुहुन्छ र सिंगल लाईफ रक्सको मान्यता बोक्नुहुन्छ भने पनि तपाईंलाई विचलित बनाउने षड्यन्त्रकारी भुमिका यो फेब्रुअरीले खेलेरै छोड्छ । उसो त भ्यालेन्टाइन डे शोक मनाउने दिन हो यस्तो दिनलाई हर्ष उल्लासमय तरिकाले मनाउनु प्रेमको निम्ति बलिदान दिने सहिदको आत्मा माथिको प्रहार होला खैर यो कुरा यतै छोडौं ।
प्रेम जोडिहरुको लागि भने यो महत्त्वपूर्ण दिन हो । संसारको हरेक बन्धन मायाले बनेको हुन्छ, यदि माया नै छैन भने जिवन खुशी हुन सक्दैन । माया कहिले पनि समय हेरेर व्यक्त हुदैन, माया नबोली नै ब्यक्त हुन्छ, मायाको अनुभूतिमा एउटा यस्तो समुन्द्र छ जसमा आँधी आए पनि कसैलाई हानी हुदैन । प्रेम भनेको बलिदान, विश्वासको एउटा यस्तो धागो हो, जसलाई केवल महसुस गर्न सकिन्छ, जसलाई शब्दमा उतार्न सजिलो छैन ।
यस्तो जीवनको महत्त्वपूर्ण पललाई चाडपर्वको रुपमा मनाइयो भने त्यो दिन अविस्मरणीय दिन बन्छ नै । जब जिन्दगीमा कसैसँग माया हुन्छ तब उसलाई समय दिनु धेरै जरुरी हुन्छ तर आजभोलि यो दौडि रहेको दुनियाँमा समय नै सायद कतै हराएको छ । समय यस्तो पंक्षी हो जो हातबाट निस्क्यो भने फर्केर कहिले आउदैन ।
जीवनमा समयले त केबल बितेका पलहरूका यादहरू बाेकेर आउने रहेछ अनि फेरी सम्झनामा मात्र कैद भएर जाने रहेछ ।
हामी एकअर्काको दिलमा बसि हेरौं ।
प्रेमको एउटा सुन्दर अभ्यास गरि हेरौं।
ह्याप्पी भ्यालेनटाईन डे
