काठमाडौं । नेकपा (एस) ले अध्यक्ष माधव नेपालको नेतृत्वमा मूल निर्वाचन परिचालन कमिटी गठन गरेको छ । नेकपा एकीकृत समाजवादीले स्थानीय तहको निर्वाचनका लागि शनिबार र आइतबार बसेको केन्द्रीय सचिवालयको बैठकले अध्यक्ष माधव नेपालको नेतृत्वमा १ हजार १ सय ११ सदस्यीय मूल निर्वाचन परिचालन कमिटी बनाएको हो ।
केन्द्रिय कमिटी, तीनवटै केन्द्रीय आयोग, केन्द्रिय सल्लाहकार परिषद् र केन्द्रिय जेष्ठ कम्युनिष्ट मञ्चका सबै पदाधिकारी एवं सदस्यहरु, केन्द्रिय परिषद् सदस्यहरु, प्रदेशका पदाधिकारीहरु, जिल्ला अध्यक्षहरु, जनसंगठनका केन्द्रिय पदाधिकारीहरु रहने छन् ।
त्यस्तै महा सचिव बेदुराम भुसालको संयोजकत्वमा प्रकाश ज्वाला, गंगालाल तुलाधर, विजय पौडेल, जगन्नाथ खतिवडा, जीवनराम श्रेष्ठ, विश्वनाथ प्याकुरेल, सोमप्रसाद पाण्डे, केदार सञ्जेल, सूर्य खत्री र द्रोणाचार्य क्षेत्री सदस्य रहेको निर्वाचन परिचालन केन्द्रीय सचिवालय पनि गठन गरिएको एकीकृत समाजवादीले जनाएको छ ।
