काठमाडौं । आज सेयर बजार नेप्से परिसूचक दोहोरो अंकले घटेको छ । मंगलबार केही सुधार भएको बजारमा बुधबार भने ३६.७३ अंकको गिरावट आएको हो ।
बजार आज दोहोरो अंकले घटेर २३२०.५१ विन्दुमा पुगेर रोकिएको छ भने यो १.५६ प्रतिशतको गिरावट हो । बुधबार कुल २२८ कम्पनीको ३२ हजार ५ सय ६ पटक कारोबार भएको छ र यो कारोबारबाट ३५ लाख ७० हजार १४ कित्ता सेयर किनबेच भएको छ ।
बुधबार १ अर्ब ४५ करोड ८७ लाख ३७ हजार ७ सय ५५ रुपैयाँको कारोबार भएको छ । बुधबार सबै उपसमूह राताम्य रहे भने सबैभन्दा धेरै वित्त र अन्य उपसमुहका लगानीकर्ताले गुमाए ।
आज जाल्पा सामुदायिक लघुवित्त र ग्रीन भेञ्चर लिमिटेडको सकारात्मक सर्किट लेवल ९.९९ प्रतिशतले मूल्य बढ्यो भने सामुदायिक लघुवित्त वित्तीय संस्थाको शेयर मूल्य समेत ३.०८ प्रतिशतले बढेको छ । यस दिन नेष्डो समृद्धि लघुवित्त वित्तीय संस्थाको सेयर मूल्य सबैभन्दा धेरै १० प्रतिशतले घट्यो भने हिमालयन उर्जा विकास कम्पनीको मूल्य ६.२९ प्रतिशतले घट्यो ।
त्यास्तै नेष्डो सबैभन्दा धेरै कारोबार हुने कम्पनीको पहिलो नम्बरमा रह्यो र सो कम्पनीको १४ करोड १९ लाख ४ सय ७९ रुपैयाँ बराबरको कारोबार भयो ।
