१.
भेट्ने अनि छुट्ने लगातार भएको छ ।
नजरको नजरसँग करार भएको छ ।
एक्लो छैन अब, नजिस्काउनु साथी
मेरो पनि कसैसँग प्यार भएको छ ।।
२.
सबै रम्ने पुर्णिमाको रातमा रहेछ ।
सबको नजर बसन्तको पातमा रहेछ ।
हुनेखानेहरु मात्रै इस्टमित्र भएपछी
हराइने त आफन्त कै जमातमा रहेछ ।।
३.
पहिला बास्ना छर्दै गुलाबी भैदिन्छ ।
पछि आएर भयङ्कर खराबी भैदिन्छ ।
कसैलाई बुझेरै मन मुटुमा राख्नुस नत्र
ताल्चाकै बिश्वासघाती चाबी भैदिन्छ ।।
मदराज शाही
मान्म-८ ताडी कालिकोट ।
