रामेछाप । मन्थलीमा रहेको लक्ष्मी आलय स्टोर्सलाई २ लाख जरिवाना गरिएको छ ।
पछिल्लो पटक गत जेठ ३ गते रातिदेखि मूल्य घटेर १७६ रुपैयाँमा बिक्री हुँदै आएको भए पनि लक्ष्मीले भने उक्त मूल्य सूची अनुसार बिक्री नगरी बढी पैसा लिएको प्रमाण भेटिएपछि सोमबार जिल्ला प्रशासन कार्यालयका सहायक प्रमुख जिल्ला अधिकारी एवं उपभोक्ता हित संरक्षण समितिका संयोजक अनोज घिमिरे, मन्थली नगरपालिकाका दीपक सुवेदी, घरेलु तथा साना उद्योग, जिल्ला प्रहरी कार्यालय रामेछाप, करदाता सेवा कार्यालय, पत्रकार महासंघ रामेछाप सहितको टोलीले गैरकारनुनी तरिकाले पेट्रोलियम पदार्थ खरिद, बिक्री गरेको ठहर गर्दै कानुन अनुसार रु २ लाख रुपैयाँ जरिवाना गराएको हो ।
आलय स्टोर्समै पुगेको संयुक्त टोलीले त्यहाँको कारोबारको बिल र मूल्यमा एक रुपतता नभएको पुष्टि गरेको थियो ।
स्टोर्सले सो जरिवाना आजको मितिले सात दिन भित्र बुझाउन निर्देशन दिएको छ । साथै उक्त अवधि भित्र जरिवाना रकम नबुझाएमा दफा ३९ को उपदफा ४ बमोजिम थप कारबाही हुने जनाएको छ ।
