सहकारी ठगेर फरार, फरारलाई समात्न प्रहरीको बिशेष टोली

नक्कली सेयर सदस्य र विभिन्न कम्पनी खडा गरेर पैसा निकालेर जीबी र भोटेको समूहले सहकारीको रकम हिनामिना गरेका गरेका छन। रकम हिनामिना गरेर फरार रहेका १८ जना अभियुक्तहरुलाई पक्राउ गर्न जिल्ला प्रहरी कार्यालय कास्कीले विशेष टोलीको परिचालन गरेको छ । प्रहरी प्रमुख एसपी मोहन कुमार थापाले इन्सपेक्टरको नेतृत्वमा विशेष टोली नै परिचालन गरिएको बताए ।
जीबी राई अध्यक्ष हुँदा २१ करोड ४२ लाख र उनका दाइ भूपेन्द्र अध्यक्ष हुँदा ८० करोड ७० लाख रकम हिसाब नैं नराखी हिनामिना गरेका थिए । त्यसैगरी संस्थापक अध्यक्ष ज्ञानबहादुर बम्जनको पालामा १९ करोड १८ लाख रुपैयाँ हिनामिना गरेका थिए । त्यसैगरी, थानबहादुर बुढाको २७ करोड ४८ लाख रुपैयाँ हिनामिना गरेका छन् । त्यसैगरी महेन्द्र भोटेले ९ करोड रुपैयाँ हिनामिना गरेको देखिएको छ ।