दोभानचौर खबर, काठमाडौ।
नेकपा एमाले रामेछाप काठमाडौ सम्पर्क मञ्चद्वारा माघ ६ गते शनिबार फुटसल प्रतियोगिता गर्ने भएको छ। स्वास्थ्यका लागि खेलकुद राष्ट्रका खेलखुद भन्य मुल नाराको स्मरण गर्दै फुटसल प्रतियोगिता आयोजना गरेको मञ्चका अध्यक्ष राकेश श्रेष्ठले जानकारी दिएका छन। माघ ४ गते काठमाडौको होटेल एवानमा पत्रकार सम्मेलन गरि कार्यक्रमको पूरा तयारी सम्पन्न भएको जानकारी दिएका हुन।
ललितपुरको च्यासलमा हुने कार्यक्रम रामेछापको १६ टिम दर्ता भएको छ एक स्थानीय तह बाट २ टिम रहेको मन्थली नगर काठमाडौ सम्पर्क मञ्चका अध्यक्ष रबिन्द्र श्रेष्ठले उल्लेख गरेका छन। पत्रकार सम्मेलन बागमती प्रदेश नेकपा एमालेका अध्यक्ष पुर्ब मन्त्री कैलाश ढुङ्गेलको प्रमुख आतिथ्यता रहेको थियो भने नेकपा एमाले बागमती प्रदेश सदस्य तथा पुर्ब मन्त्री शान्ति पौडेल, मन्थली नगरपालिका अध्यक्ष रामबाबु घिमिरे लगाएत आधा दर्जन प्रदेश तथा जिल्ला स्तरीय नेता कार्यकर्ताको सहभागीता रहेको थियो। खेल बाट नै राजनीति संस्कार सिक्नुपर्छ। हार्नेले स्वीकार्ने र जित्नेले पनि यथार्थ रहनुपर्छ गेम खेल्ने अनि टिम हराउन लाग्यो भनेर आरोप लगाउने काम छाड्नुपर्छ अहिले आन्तरिक चुनाब लड्ने हार्ने अनि हरायो भन्दै सामाजिक संजालमा रोहिलो गर्ने प्रबिधि बढेको छ। सबैलाई खेल बाट अनुशासन सिक्न र मर्यादामा बस्न प्रमुख अतिथि कैलाश ढुङ्गेलले अनुरोध गरेका छन। खेल बाट अनुशासन सिक्ने भएकोले यस्ता खेल अरु पनि खेलाउन सम्पर्क मञ्चलाई निर्देशन दिएका छन। पाटी कमिटी र म ब्यक्तिगत के सहयोग गर्नपर्छ तयार छु खेल निरन्तर खेलाउन पहल गर्नुस् प्रमुख अतिथि ढुङ्गेलले बोलेका हुन।
प्रतियोगिताको पहिलो पुरुस्कार रु ३० हजार, ट्र्फी,मेडल र प्रमाणपत्र रहेको छ भने द्वितीय पुरुस्कार रु २० हजार, ट्रफी, मेडल र प्रमाणपत्र रहेको छ,तृतीय पुरुस्कार रु १० हजार, ट्रफी, मेडल र प्रमाणपत्र रहेको छ भने सान्त्वना पुरुस्कार रु ५ हजार मेडल र प्रमाणपत्र रहेको छ। उत्कृष्ट एक खेलाडीलाई रु २ हजार मेडल र प्रमाणपत्र रहेको सम्पर्क मञ्चको अध्यक्ष श्रेष्ठले जानकारी दिएका छन। एक टिममा ८ जना खेलाडी समाबेश गरिने छ।
