नेपालले नेदरल्यान्ड्सलाई ६ विकेटले हरायो

त्रिदेशीय टी–२० क्रिकेट शृङ्खलाको आफ्नो अन्तिम खेलमा नेपालले नेदरल्यान्ड्सलाई ६ विकेटले हराएको छ। नेदरल्यान्ड्सले दिएको १२१ रनको लक्ष्य नेपालले १५ ओभर २ बलमा ४ विकेट गुमाएर भेटाएको हो । नेपालका कप्तान रोहित पौडेलले सबैभन्दा धेरै ४६ रन बनाउनुभएको छ । यस्तै गुल्सन झा ३८ रन बनाएर आउट हुनुभएको हो । टस जितेर ब्याटिङ गरेको नेदरल्यान्ड्स १९ ओभर ३ बलमा १२० रनमा समेटिएको हो । यो जितसँगै नेपालले सेमिफाइनल सम्भावना बढेको छ । शृङ्खलाको अन्तिम खेलमा भोलि नामिबिया र नेदरल्यान्ड्सबीच खेल हुँदै छ । भोलीको खेल नेदरल्यान्ड्सले जिते नेपाल पनि फाइनलमा पुग्नेछ । यदि खेल नामिबियाले जितेमा नेट रन रेटमा भर पर्नेछ ।