शर्मिला बिसुन्के,रामेछाप।
काभ्रे जिल्लाको मण्डनदेउपुर नगरपालिका वडा नं. ११ निवासी ब्लड क्यान्सर पिडित समिर तामाङलाई आर्थिक सहयोग गर्न अपिल गरेको छ । वडा नं. ११ का वडा अध्यक्ष दिपेन्द्र लामाले एक अपिल जारी गर्दै आर्थिक सहयोगको लागि अनुरोध गरेका हुन् ।
सोही वडा निवासी मेघ बहादुर तामाङको नाती लक्ष्मण तामाङ छोरा वर्ष १५ को समिरको घरको आर्थिक अवस्था निक्कै कम्जोर भएकोले उपचारमा समस्या आएको छ । ‘समिर तामाङको ब्लड क्यान्सर रोग सम्बन्धि पाटन अस्पतालमा उपचार भईरहेको र निजको घरको आर्थिक अबस्था पनि अति कमजोर बिपन्न भएकोले निजको उपचारमा आर्थीक अभाव भएको हुदा सम्बन्धित सबै सरकारी, गैर सरकारी संघ संस्था तथा व्यक्तिहरुलाई आर्थीक सहयोग गरिदिनुहुन हार्दिक अपिल गर्दछौ ।’ वडा अध्यक्ष लामाद्वारा जारी अपिलमा भनिएका छ ।
सहायोगको लागि समिरको बुबा लक्ष्मणको मोवाइल नम्बर ९७६६५४७२७६ मा सम्पर्क गर्नुहुन समेत अनुरोध गरिएको छ ।
