काठमाडौं । तिहारपछि सेयर बजारमा हाइड्रोईलेक्ट्रसिटी इन्भेष्टमेन्ट एण्ड डेभलपमेण्ट कम्पनी (एचआईडिसिएल) को साढे ७ करोड कित्ता बढी सेयर थपिएको छ । तिहारपछि अर्थात यस साता कम्पनीको हकप्रद सेयर नेपाल स्टक एक्सेञ्ज(नेप्से)मा सूचीकृत भएको हो ।
बिहीबार एचआईडिसिएलको ७ करोड ७० लाख कित्ता सेयर नेप्से सूचीकृत भएको छ । कम्पनीले शतप्रतिशत हकप्रद सेयर विक्रीका क्रममा वितरण भइसकेको उक्त सेयर नेप्सेमा सूचीकृत गराएको हो ।
उक्त सेयर आइतवारदेखि कारोबारयोग्य हुनेछ । सम्बन्धीत सेयरधनीहरुको डिम्याट खातामा सेयर शुक्रवार अर्थात आज आईसकेको छ । हकप्रद सेयर निस्काशनको लामो समय पश्चात् बल्ल सेयरधनीको खातामा पठाईएको हो । सम्पुर्ण हकप्रद सेयर बिक्री नभए पश्चात् कम्पनीलाई लिलामीको मार्फत बेच्नु परेको थियो जसको कारण हकप्रद सेयर आवेदन दिने सेयरधनीले पनि हकप्रद सेयर खातामा पाउन केही समय प्रतीक्षा गर्नु परेको हो ।
