मेनुका बुढाथोकी, सिन्धुली ।
नेकपा एमालेका कार्यवाहक अध्यक्ष ईश्वर पोखरेलले संविधान संशोधनका विषयमा दलहरु एक ठाउँमा उभिनुपर्ने बताएका छन् । प्रेस चौतारी नेपाल सिन्धुलीले सोमबार सिन्धुलीमाढीमा आयोजना गरेको पत्रकार भेटघाट कार्यक्रममा उनले यस्तो बताएका हुन् ।
उनले संविधान संशोधन गर्दा कुन विधिबाट गर्ने र कुन कुन विषयमा गर्ने विषय महत्वपूर्ण रहेको बताउँर्दै संविधान संशोधन नेपालका सबै राजनीतिक दलहरुसँग सहमति गरेर मात्र गरिने बताए ।
उनले संघियता, गणतन्त्र, समावेशीतालाई कमजोर बनाउने, सामानुपातिक सहभागीतालाई कमजोर बनाउने गरि संविधान संशोधन गर्न एमालेले नदिने बताए ।
गठबन्धन कहिलेसम्म रहने भन्ने प्रश्न नगरि हेर्दै जान पनि उनले आग्रह गरेका छन । अहिलेको परिस्थितिमा कांग्रेस र कम्युनिष्टहरूको दुई आयामिक सम्बन्ध रहेको बताए ।
उनले भने, ‘अहिलेको संकट टार्न, मुलुकको परिस्थिति थप नबिग्रियोस भन्नका लागी मेजर पोलटिकल पार्टीहरु एक ठाउँमा आएर एउटा साझा सहमतीका साथ अगाडी बढ्नुपर्छ ।’
